Casa Arte ландшафт үйлчилгээний компанийг үүсгэн байгуулагч З.Шижирээ багийн гишүүдийнхээ хамтаар Бүтээлч 100 төсөлд оролцож байна.

Тэдний баг энэхүү төсөлд оролцохдоо залууст зориулсан Courtyard co-working space буюу гадаах орчинд амарч тухлах, ном уншин суух ногоон бичил цэцэрлэгт хүрээлэн санагдуулах дундын оффис бүтээхээр зорин ажиллажээ. Багийн гишүүдийн олон нь ургамал, мод, бут сөөг арчилгааны мэргэжлийн үйл ажиллагаа эрхэлдэг тул тэдний бүтээсэн орчин хотын их хөдөлгөөнөөс хэсэг боловч тасран амралтын орчинд оруулж тайвшруулах мэдрэмж өгөхөөр хийгдсэн ажээ.

Хэн ч ашигладаггүй хоосон шороо бүхий талбайг хэд хэдэн янзаар хуьвирган үзээд одоо байгаа хувилбар дээр цаашид төвлөрөн ажиллахаар багаараа шийдсэн байна.